Rukun, Fardhu, Syarat, dan Fardhunya Syahadat

أركان الشهادة خمسة شاهد و مشهود و مشهود به و مشهود عليه و صيغة

Ari Rukun Syahadat eta aya 5 :

1. Syahid ( شاهد ) = perkara anu nyaksi

2. Masyhud ( مشهود ) = Perkara Anu di Syaksiannana

3. Masyhud Bih ( مشهود به ) = inti tina lafadz nyaksian/perkara anu ngadorong lahirna panyaksian

4. Masyhud Alaih ( مشهود عليه ) = anu ngahudangkeun panyaksian / tingkah / pagawean anu nuduhkeun sifat panyaksian

5. Shighot ( صيغة ) = lafazd panyaksi / kecap-kecap anu nuduhkeun harti panyaksian

tafsiranna :

Allah maparin 50x sholat dina waktos Isro wal mi`roj Kangjeung nabi Muhammad Saw. anu bukti Kangjeung Nabi harita teh nuju di sidrotul muntaha , mangka nyuntrungkeun malaikat jibril As. Ka kangjeung Nabi Saw. Sahingga nyungkur sujud kangjeung Nabi saw. ( ujug-ujug mata hate kangjeung Nabi Ninggal Allah Swt. ) Lajeung Allah Ta`ala ngadawuh : Hei muhammad kudu ngangkatkeun anjeun kana sirah anjeun, ieu poe lain waktu ruku jeung sujud, mangka nabi Saw. Ngangkat kana mastakana sareung calik tawarruk sapertos calik dijero sholat, sabari ngadawuh :

“ sadaya kahormatan, kaberkahan, sholawat sareung kasaean sadayana eta tetep milik Gusti. “

Mangka ngadawuh Gusti Allah Ta`alaa : Ari kasalameutan eta tetep pikeun anjeun Hei Nabi ( Muhammad Saw. ) “

Lajeung kangjeung Nabi Saw. Ngadawuh : “ Ari kasalameutan eta tetep pikeun abdi sadaya sareung pikeun pirang-pirang abdina anu saroleh .”

Mangka para malaikat anu ngurumunan Dzat Allah Saw. Sapakeut ngucapkeun :

“ Kaula nyaksi yen teu aya pangeran anu wajib di ibadahan kalayan haq anging Allah sareung saestuna kangjeung nabi Muhammad Saw. Eta utusan Allah “

Maka maparin Allah Ta`ala 50x sholat pikeun kangjeung nabi sareung umatna, lajeung kangjeung Nabi Saw nyuhunkeun Rukhshoh ka Allah Swt. anu saljeungna dikirangan-dikirangan dugika 5x sholat dina sadinteun saweungi pikeun Kangjeung Nabi sareung Umat kanjeung nabi Saw.

Tah dina ieu tafsiran : anu jadi Syahid ( anu nyaksianna ) eta para malaikat, ari Masyhudna ( anu disaksianna ) eta Allah Ta`alaa jeung Rosul-Na Saw.

Ari masyhud bihna nyaeta mata hate tegesna panyaksian kalayan mata hate kangjeung Nabi Saw.

Ari padameulan maparin 50X sholat eta Salaku Masyhud Alaihna.

Jeung ari ucapan : “ Kaula nyaksi yen teu aya pangeran anu wajib di ibadahan kalayan haq anging Allah sareung saestuna kangjeung nabi Muhammad Saw. eta utusan Allah “ eta kalimah salaku shighotna.

Ari Rukun syahadat deui eta aya 4 :

1. Netepkeun dzatna Allah

2. Netepkeun Sifatna Allah

3. Netepkeun Af`alna Allah

4. Dipertelakeun

Ari Fardhuna syahadat eta aya 2 :

1. Diucapkeun ku lisan

2. Dibenerkeun ku hate

Ari Syaratna syahadat eta aya 4 :

1. Kudu dikanyahokeun

2. Kudu di ucapkeun

3. Kudu di shidikkeun

4. kudu dia`malkeun

Ari Sampurnana syahadat eta aya 4 :

1. Ilmu tegesna nyaho

2. Diucapkeun

3. Dishidiqkeun ( dibenerkeun )

4. Dipertelakeun

Ari Batalna Syahadat eta aya 4 :

1.Nyakutukeun ka Allah ( Musyrik ), nyatana teu nekadkeun kana wahdaniyatna Allah.

2.Mangmang atina ka Allah

3. mungkir awakna di dameul ku Allah

4. Hateu di itsbatkeun kuhate kana ayana Gusti Allah.